قصة بقلم: رجب أبو الحارث

 النعش بتاع الشيخ محمد عيد  طار في الجو وعشان النعش ينزل والناس تعرف تدفن الشيخ
 بعض المشيعين للجنازة  بدأ يقلب الاحذية والشباشب ويرفعها لفوق ويقول الله أكبر الله اكبر 
  لما الشيخ محمد عيد  سمع الكلام  نزل من الجو ورجع للنعش 
الحاج عبدالجواد اعترض على كلام ناصح
 وقال يا راجل قول كلام معقول - 
ناصح قال
 لامواخذة ياحاج أصدقك انت وكذب عنيا وانا كنت ماشي فى الجنازة
الحاج محمد قال ناصح بيقول كلام صح 
احنا يا رجال الله الصالحين كدة 
خد عندك انا مثلا لما لمبة الجاز عندى فى البيت وقعت على الارض 
انا صرخت بصوت عالي وقلت حي حي  اية رايك المبة نزلت قاعدة
  احنا كدة يا صالحين الواحد منا يبقا قاعد وشايف كرسى العرش منور قدامة 
الحاج بلال قال 
الخير بالخير يذكر وعشان القعدة تبقي عطر فى عطر بصلاة على النبى 
والله يارجالة وماليكوا عليا حلفان انتم عارفين الواد دسوقى العبيط اللى  بيقعد جنب الكافتريا اللى جنب محل باتا 
جميع الحاضرين قالوا الواد الاهبل ده اللى بيشخ على نفسه 
 الحاج بلال كل واحد فيكم مسئول عن كلامة لأن الواد ده كلة بركة اية رأيكم ان الحاج عبدالرحمن شافوا وهو بيطوف في الحج بالرغم ان الحاج لما سافر السعودية كان دسوقى نايم جنب الكافتريا 
وبعيد عن السامعين ريحة كانت طالعة- 
ربنا يرضيك عنا يا دسوقى
ناصح قال يبقي انت يا حاج عبدالجواد زعلان لية
 طيب خد دي عندك 
انت تعرف زوجة الشيخ فتحى اللى ساكن جنب مسجد الشيخ عبدالعال -
الحاج عبد الجواد قال يا ابني انا اعرف ان الشيخ فتحي مش متزوج -
قال ناصح يبقا حضرتك متعرفش حاجة الشيخ فتحى متزوج من تحت الأرض 
ولما بيخرج للشارع انت مش بتشوف معاه قطة فى ايده -
 الحاج عبدالجواد  ايوه 
 انا بشوف معاه قطة -
 ناصح قال
 بالصلاة على النبي هى دي مراتة 
فى الشارع قطة وفى البيت امرأة سبحان الخلاق
 واللى شافوها قالوا كدة اعترض بقا
لما احمد خرنفش 
سمع الكلام ده
 قال أنا لازم اكون الإمام  على الناس فى صلاة المغرب تقدم احمد الى الإمامة بشكل مباشر لم يعلق الحاج محمد   أمام المسجد ولم يعترض 
وبعد أن أنهي احمد الفاتحة قال بعد بسم الله الرحمن الرحيم   ويل لكل همز لمز- 
رد الحاج محمد للتصحيح 
  بسم الله الرحمن الرحيم وَيْلٌ لِكُلِّ هُمَزَةٍ لُمَزَةٍ  الَّذِي جَمَعَ مَالًا وَعَدَّدَهُ 
قال احمد مرة أخرى ويل لكل همز لمز 
رد الشيخ محمد مرة اخرى للتصحيح  
انفعل أحمدخرنفش 
فى المرة الثالثة 
وهو يقول ويل لكل همز لمز 
جلس المصلون على الارض من الضحك وضاعت صلاة المغرب???