بقلم -رجب أبو الحارث:

سمكة كإن يعشق نادى الاسماعيلي ، ولديه جنون كروي بمدرسة الدراويش القديمة فى فن كرة القدم ، بجانب انه يملك افيهات صاروخية عندما يشاهد لاعب لم يحالفة التوفيق فى الملعب 
 صباح يوم الجمعة يمارس سمكة لعبة كرة القدم،  مع شباب الحي من أصدقائه ضد الاحياء الأخرى 

في الجانب الاخر ، كإن سيد يلعب مدافع للفريق المقابل لسمكة ، كان سيد بلغة اهل البلد صاحب عين كريمة ، ومع ذلك يلعب أساسي على كل أصحاب النظر حتي لو كانوا ستة على ستة 

( ملحوظة سيد كان يمارس اللعبة وفرد الخرطوش الناري فى السيالة )، يعني تقدر تقول مدافع بالعافيه 

سمكة شاف سيد وقال لمهاجم الفريق ، المكسب النهاردة مضمون..  العب  على عين  سيد الثابتة 

مهاجم الفريق بقي مش قادر يركز فى الملعب من الضحك

سمكة بصوت عالي فى الملعب ، يا جرجس عدي من على العين الثابتة 

جن جنون سيد، وأمسك رقبة سمكة حتئ كاد سمكة يقطع الأنفاس

تدخل اعضاء الفريق من أجل فك رقبة سمكة من إيد سيد الثقيله ، وأفق سيد ان يترك سمكة بشرط ان يغادر سمكة الملعب ولأ يعود اليه مرة اخرى 

وأفق سمكة على الشرط وغادر الملعب مع صديقة محسن الدقاق 

في الطريق لعب محسن في أذن سمكة بأن يعود للملعب فى  الجمعة القادمة،  ولا يخشي سيد ابو عين كريمة

 كان محسن يجيد التسخين وفن التحريض على الشجاعة من أجل الضحك لا اكثر ، صدق سمكة نفسه ونسي احتباس دم الرقبة 
وقال سيد مين شئ لله ياسي سيد قال سيد قال ، انا أخاف من عيل بعين كريمة ، فى الجمعة القادمة 

بلع سمكة حبوب الشجاعة وذهب مع صديقه محسن الى ارض المعلب ، وقبل ان يصل الى ارض الملعب بأمتار 

كان سيد يمسك رقبته من الخلف، قائلا انا مش قلت انا مش عايز أشوف وشك تاني فى الملعب 

بكلمات غير مكتملة مع حبس الأنفاس ، بدا سمكة يقول حقك عليا ياعم سيد ، انا غلطان 
ونظرا الى صديقه محسن وهو يقول ، انا مش جاي هنا تأني،  منه لله اللي كان السبب ، بس سيب رقبتي وسيبني أروح .. ربنا يخليك ياعم سيد، يقطع الكرة واللى يحبوا الكرة اللى بضيع الوقت وتجيب المشاكل ???